Charter Document - 08020044
| Charter Number: | 08020044 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1227 - 1241 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus de Schireborn dedi concessi et hac presenti carta mea confirmaui Ricardo Baynard heredibus suis et assignatis pro seruicio suo michi impenso quandam peciam terre cum domo supra edificata in Est Harnham que quidem pecia terre cum domo supra edificata iacent inter terram Johannis Tylie et terram Johannis de la More et extendit se vsque ad viam qua itur versus Cumbe Tenendam et habendam dictam peciam terre cum domo predicta de capitali Domino feodi dicto Ricardo heredibus suis et assignatis libere quiete bene et in pace Jure hereditario inperpetuum Reddendo inde annuatim dictus Ricardus heredes sui et assignati capitali Domino feodi seruicia inde debita et consueta Et ego vero predictus Walterus heredes mei et assignati dictam peciam terre cum domo predicta dicto Ricardo Baynard heredibus suis et assignatis per dicta seruicia contra omnes homines mortales Warantizabimus acquietabimus et inperpetuum defendemus Et vt hec mea donacio concessio et presentis carte confirmacio rata et stabilis permaneat presentem cartam sigilli mei impressione roboraui hijs testibus Domino Thoma de Sancto Omero milite Magistris Johanne Gerberd Roberto Gerberd Waltero de Ponte Johanne de Harnham Johanne de Kyngesmull Johanne de la More et multis alijs