Charter Document - 08020041
| Charter Number: | 08020041 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1244 - 1258 |
| Date type: | Assigned |
| Resource Link(s): |
|
Charter:
Sciant presentes et futuri quod ego Reginaldus Tristram dedi concessi et hac presenti carta mea confirmaui Roberto de Wande Clerico totam terram meam cum omnibus pertinencijs suis in Estharam quam tenui in feodo de Willelmo de Rokeseye filio et herede Henrici de Wande videlicet quicquid ibidem habui de dono ipsius Willelmi vel aliquo iure per donum illud habere potui in Curijs domibus gardinis pratis pasturis vijs semitis aquis curtillagijs homagijs villenagijs et omnibus alijs escaetis et pertinencijs in omnibus rebus et locis ad predictam terram pertinentibus Habendam et tenendam predictam terram cum omnibus pertinencijs suis ipsi Roberto vel cuicunque vel quibuscumque eam sanus vel eger dare legare vendere vel assignare voluerit de me Reginaldo et heredibus vel assignatis meis libere quiete integre pacifice et honorifice inperpetuum Reddendo inde annuatim michi et heredibus meis vel assignatis vnam dimidiam libram Cuminj vel vnum denarium ad Festum beati Michaelis ipse Robertus et heredes vel assignati sui in opcione soluentis et capitali domino feodi illius vnum par calcarium deauratorum vel sex denarios ad Festum similiter sancti Michaelis pro omnibus seruicijs homagijs Wardis releuijs seruicijs sectis Curiarum et secularibus querelis et de mandis Preterquam quod dictus Robertus et heredes vel assignati sui bis facient sectam ad hundredum de la Wasshern Ego vero Reginaldus et heredes vel assignati mei totam predictam terram cum omnibus pertinencijs suis expressis et non expressis dicto Roberto et heredibus vel assignatis suis contra omnes gentes mortales inperpetuum per predictum seruicium Warantizabimus defendemus et acquietabimus Pro hac autem donacione concessione et warantizacione mea dedit michi predictus Robertus quadraginta marcas argenti in gersumam pre manibus Et vt hec mea donacio et concessio carte huius mee confirmacio et eiusdem warantizacio mea perpetue firmitatis et stabilitatis robur optineant presentem cartam sigilli mei munimine roboraui hijs testibus Domino Henrico Heosato Willelmo Gerb[ert] Henrico de Dun Nicholao le Chamberleyn de Cumbe Petro de Kingesmuln Willelmo le Butiller Reginaldo de Humynton Thoma Ruffo de Cumbe Rad[ulpho] le Frankleyn Willelmo Pynnok Willelmo de Nywenham Willelmo le Porter Willelmo de sancto Benigno Clerico et alijs