Charter Document - 08020038
| Charter Number: | 08020038 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1221 - 1235 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Rokesey filius et heres Henrici de Wande dedi concessi et hac presenti carta mea confirmaui Reginaldo Tristram clerico totam terram meam cum omnibus suis pertinencijs in Estharam videlicet quicquid ibidem habui vel aliquocunque jure habere potui in Curijs domibus gardinis pratis pasturis vijs semitis aquis Curtillagijs homagijs villenagijs et omnibus alijs escaetis et pertinencijs ad predictam terram pertinentibus Habendam et tenendam predictam terram cum omnibus suis pertinencijs predictis ipsi Reginaldo vel cuicunque vel quibuscunque eam sanus vel eger dare legare vendere vel assignare voluerit de [me] et heredibus meis vel assignatis libere quiete integre pacifice et honorifice inperpetuum Reddendo inde annuatim michi et heredibus meis vel assignatis vnam dimidiam libram Cumini vel vnum denarium ad Festum beati Michaelis ipse et heredes sui vel assignati in opcione soluentis et capitali domino feudi vnum par calcarium deauratorum vel sex denarios ad festum beati Michaelis pro omnibus seruicijs homagijs wardis seruicijs releuijs sectis et secularibus de mandis preterquam quod dictus Reginaldus et heredes sui vel assignati bis facient sectam ad hundredum domini Regis de la Wascherne Ego vero et heredes mei vel assignati predictam terram cum suis pertinencijs predictis dicto Reginaldo vel suis heredibus aut assignatis contra omnes gentes mortales inperpetuum per predictum seruicium warantizabimus et defendemus et acquietabimus Pro hac vero donacione et warantia mea dedit michi dictus Reginaldus xl marcas argenti in gersumam Et vt hec mea donacio concessio et carte mee confirmacio et warantia mea robur perpetue firmitatis obtineant hanc cartam meam sigilli mei munimine roboraui Hijs testibus Domino Henrico Husato Matheo de Bymerton Henrico le Dun Willelmo Ysemberd tunc maiore Wilton Nicholao de Cumbe Willelmo de Busshoppestrowe et Willelmo Tebaud Clericis Cyr Wilton Johanne et Ranulpho de Bedeford fratribus Rocellino et Ricardo le But fratribus et alijs