Charter Document - 08020037
| Charter Number: | 08020037 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1225 - 1239 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Rokesye de assensu et voluntate Margerie matris mee dedi concessi et hac presenti carta mea confirmaui Roberto de Wande fratri meo pro seruicio suo totam terram cum pertinencijs quam habui vel habere potui et debui in Haraham et Hommynton Habendum et tenendum de me et heredibus meis et meis assignatis predicto Roberto et heredibus et assignatis suis libere et quiete bene et in pace plenaria et integre cum omnibus libertatibus consuetudinibus et seruicijs tam liberorum quam villanorum in omnibus rebus et locis ad totam predictam terram pertinentibus Reddendo inde annuatim michi et heredibus meis vel nostris assignatis vnum par cyrotecarum vel vnum denarium ad festum Sancti Michaelis pro omni seruicio exaccione seculari querelis sectis Curie et omnibus consuetudinibus et de mandis Saluo seruicio capitalium dominorum feodi illius quicunque fuerint pro tempore sex denarios ad Pentecosten per annum pro omni seruicio Saluo eciam seruicio domini Regis quantum ad tantum terre pertinet in eisdem villis de eodem feodo cum generaliter acciderit per Angliam Et ego Willelmus et heredes et assignati mei necnon et heredum suorum et assignatorum assignati predicto Roberto et heredibus et assignatis suis totam predictam terram cum omnibus pertinencijs suis per predictum seruicium contra omnes homines et feminas et contra omnes Iudeos et Christianos inperpetuum warantizabimus defendemus et acquietabimus Pro hac autem donaciono et concessione carte huius mee confirmacione et eiusdem warantizacione dedit michi predictus Robertus sexaginta marcas argenti in gersummam pre manibus Ut autem hec mea donacio et concessio huius carte mee confirmatio et eiusdem warantizacio rata et inconcusse inperpetuum perseuerent sigillum predicte Margerie matris mee ad maiorem securitatem warantizacionis defensionis et acquietacionis predicto Roberto et heredibus et assignatis suis inperpetuum faciendam presenti carte vna cum sigillo meo apponi procuraui Hijs testibus Dominis Henrico Heose Willelmo de Grymstede militibus Willelmo Gerbert Henrico de Dun Willelmo le Butiller Nicholao le Chamberleyn de Combe Petro de Kyngesmuln Willelmo de Niwenham Waltero de Essyec Willelmo de sancto Benigno et alijs