Charter Document - 08020036
| Charter Number: | 08020036 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1242 - 1256 |
| Date type: | Assigned |
| Resource Link(s): |
|
Charter:
Sciant presentes et futuri quod ego Elyas Tilie de bona voluntate consensu et assensu Agnetis vxoris mee dedi concessi et hac presenti carta mea confirmaui Roberto de Wand vnam peciam terre Curtilagij mei in villa de Estharam illam videlicet que extendit se in longitudine versus aquilonem a gardino predicti Roberti vsque ad aquam que vocatur Wyly inter Curtilagium meum et Croftam predicti Roberti prout inter Curtilagium meum prenominatum et predictam peciam terre arboribus ibidem sitis binatim Habendam et tenendam predictam peciam terre cum omnibus pertinencijs suis de me et heredibus meis seu assignatis sibi et heredibus suis vel eorum assignatis cuicunque dare vendere assignare vel quocunque modo alienare voluerit libere quiete bene et in pace plenaria et integre iure hereditario inperpetuum Reddendo inde anuatim michi et heredibus meis vel assignatis ipse et heredes sui vel eorum assignati vnum clauum gariofili ad pascha pro omni seruicio exaccione seculari et demanda Ego vero predictus Elyas et heredes mei vel mei assignati predictam terram cum omnibus suis pertinencijs predicto Roberto et heredibus suis vel assignatis per predictum seruitium contra omnes gentes warantizabimus defendemus et acquietabimus inperpetuum Pro hac autem donacione concessione et presentis carte mee confirmacione necnon et warantizacione dedit michi predictus Robertus ad magnum et arduum negocium meum quadraginta solidos sterlingorum pre manibus Et vt hec mea donacio concessio et presentis carte mee confirmacio necnon et warantizacio rata et stabiles perseuerent presentem cartam sigilli mei impressione coroboraui Hijs testibus Willelmo Gerberd Henrico de Dun Willelmo Pincerna Petro de Kyngesmeln Thoma de Ponte Richardo le Souer Symone filio Gilberti le Noreys Willelmo Frankeleyn de Westharam Thoma Ruston Henrico de Fokeseye Tristramo Clerico et alijs