Charter Document - 08020034
| Charter Number: | 08020034 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1202 - 1230 |
| Date type: | Assigned |
| Resource Link(s): |
|
Charter:
Nouerint presentes et futuri quod ego Galfridus de Neouilla dedi et concessi et presenti carta confirmaui Henrico de Sancto Sampsone pro homagio et seruicio suo totam terram quam Willelmus le Gerwode tenuit de me in Haran et croftam illam quam Cristina tenuit que iacet iuxta domum predicti Henrici et vnum peciam terre quam Rogerus de ponte tenuit iuxta predictam terram tenendam sibi et heredibus suis de me et heredibus meis cum omnibus pertinentijs libere et quiete honorifice bene et in pace cum omnibus aysiamentis infra villam et extra villam in pratis et pasturis in aquis et in terris cultis et incultis in bosco et plano in vijs et semitis et in omnibus locis ad eandem villam pertinentibus Hanc terram predictam dedi et confirmaui iam dicto Henrico et uxori sue Beatricie et heredibus suis iure hereditario possidendam vt prescriptum est liberam solutam et quietam de omni seruicio et seculari exaccione Reddendo inde annuatim ipse et heredes sui michi et heredibus meis unum par calcarium deauratorum in die Pentecosten Et ego et heredes mei warantizabimus totam hanc predictam terram tam dicto Henrico et vxori sue Beatricie et heredibus suis contra omnes homines qui possunt mori vel viuere Et vt hec mea donacio concessio rata et inconcussa permaneat carta hac et sigilli mei apposicione confirmatur Hijs testibus Godfridus Abbate et Conuentu de Topeholn Roberto Gilbert Reginaldo de Mor Eustacio de Pucot Wilelmo Russell Roberto Capellano Radulfo de Hominton Ricardo ibidem de Baldwino Ysenbard Willekinum Dochet Roberto de Angers Rogero de Ponte Richardo de Haran Rogero filio Scille Philippo de Haran Johanne filio Edmundi Willelmo le Berner Gaufrido preposito de Grafton et multis alijs