Charter Document - 08020031
| Charter Number: | 08020031 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1214 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Ricardus filius Aucher dedi concessi et hac presenti carta mea confirmaui pro me et heredibus meis Deo et hospitali Sancti Nicholai Sarum magistro et fratribus ibidem Deo seruientibus in puram et perpetuam elemosinam decem acras terre in Fissherton cum pertinencijs suis vniuersis habendum et tenendum predictas decem acras terre prefatis magistro et fratribus hospitalis supradicti ut prefertur in perpetuam elemosinam et eorum successoribus inperpetuum bene libere quiete et pacifice ab omni actione et demanda Et Ego Ricardus antedictus et heredes mei hanc donacionem in puram et perpetuam elemosinam dicti hospitalis magistro et fratribus contra omnes homines et feminas warantizabimus acquietabimus et defendemus inperpetuum In cuius rei testimonium sigillum meum presentibus apposui Hijs testibus Domina Sibilla vxore mea Ricardo Decano Sarum Abraham Thesaurario ibidem et multis alijs