Charter Document - 08020030
| Charter Number: | 08020030 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1262 |
| Date type: | Internal, Feast, Regnal |
| Resource Link(s): |
|
Charter:
Anno regni Regis Henrici filij Regis Johannis xlvj in festo annunciacionis dominice facta fuit hec conuencio inter Adam de Tylleney Rectorem ecclesie de Grateley ex vna parte et Willelmum Pynnok minore ex altera Videlicet quod dictus Adam concessit et ad feodi firmam tradidit dicto Willelmo pro seruicio suo vnam placiam prati que iacet iuxta lanerkewell in campo de Fissherton et vnam peciam terre arabilis que iacet in eodem campo inter terram Godefridi coci ex parte boreali et terram que fuit quondam Walteri Baldewyn ex parte australi in latitudine et se extendit a capite dicti prati usque ad ortum quondam Willelmi Lepodredhacke in longitudine habendum et tenendum dicto Willelmo et heredibus vel assignatis suis vel cuicunque dare vel assignare voluerit inperpetuum de dicto Adam et heredibus suis et assignatis suis libere et quiete pacifice et integre Reddendo inde annuatim dicto Adam et heredibus vel assignatis suis ipse Willelmus et heredes vel assignati sui quinque solidos argenti ad quatuor anni terminos videlicet ad natale Domini quindecim denarios ad pascha xv denarios ad festum sancti Johannis baptiste xv denarios et ad festum sancti Michaelis xv denarios pro omni seruicio exactione et demanda ad dictum Adam vel suos heredes vel assignatos suos pertinente saluo seruicio regali et forinsec quantum pertinet ad tantam terram in eodem campo de eodem feodo Et dictus Adam et heredes vel assignati sui predictum pratum et predictam terram predicto Willelmo et heredibus vel assignatis suis quocunque modo assignata fuerint per predictum seruicium contra omnes homines et feminas warantizabunt defendent et acquietabunt Pro hac autem concessione tradicione et warantia dedit dictus Willelmus dicto Adam septem solidos in gersumam Et vt hec concessio tradicio et warancia firmitatis robur optineat huic scripto bipartito alterutra pars sigillum suum apposuit Hijs testibus Domino Galfrido de Wiuellesford milite Dauid Botreaux Gilberto Thynne Roberto de Camera et multis alijs