Charter Document - 08020029
| Charter Number: | 08020029 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1260 - 1274 |
| Date type: | Assigned |
| Resource Link(s): |
|
Charter:
Sciant presentes et futuri quod ego Adam de la Cnolle dedi concessi et hac presenti carta mea confirmaui pro me et heredibus meis Deo et hospitali sancti Nicholai Sarum fratribus et sororibus ibidem Deo seruientibus septem solidos annui redditus quos percipere consueuerunt de Willelmo Pynnok et Roberto le Grynner in villa de Fissherton videlicet de Willelmo Pynnok quinque solidos ad quatuor anni terminos videlicet ad festum sancti Michaelis Ad natale Domini ad pascha et ad festum Natiuitatis sancti Johannis baptiste pro equali porcione de vna placia prati que iacet iuxta lanerkewel in campo de Fissherton et vna pecia terre arabilis iacente in eodem campo inter terram Godefridi coci ex parte boreali et terram que quondam fuit Walteri Baldewyn ex parte australi Et de Roberto le Gredner duos solidos ad duos anni terminos videlicet ad natale Domini xij denarios et ad festum beati Johannis baptiste xij denarios de quadam Insula iacente iuxta pratum predicti Adam in Fissherton aqua vndique clausa habendum et tenendum predictis fratribus dicti hospitalis et eorum successoribus predictas septem solidatas redditus annuatim De me predicto Adam et heredibus meis vel assignatis Dedi eciam et concessi dicto hospitali fratribus et sororibus predictis omne ius meum quod mihi vel heredibus meis et assignatis aliquo modo accidere possit de predictis Willelmo et Roberto vel heredibus eorum seu assignatorum ut in releuijs wardis maritagiis sectis Escaetis et omnibus alijs pertinencijs ad dictum tenementum pertinentibus libere quiete bene et in pace plenaria et integre inperpetuum Reddendo inde annuatim mihi et heredibus meis vnum clauum Gariofili ad festum sancti Michaelis pro omni seruicio sectis curiarum et omnibus secularibus de mandis tam per dominum regem quam quoscunque alios Et ego dictus Adam et heredes mei vel assignati antedictis fratribus dicti hospitalis et eorum successoribus predictis septem solidatas annui redditus ut predictum est per predictum seruicium contra omnes gentes mortales warantizabimus defendemus et acquietabimus inperpetuum Pro hac autem donacione concessione et huius carte mee confirmacione dederunt mihi executores testamenti Petri de Waltham quondam rectoris ecclesie beate Marie de West Deene sex marcas et dimidiam argenti pre manibus In cuius rei testimonium perenne presentem cartam sigilli mei impressione roboraui Hijs testibus Johanne de Langeford Alano filio dicti Johannis Henrico le Dune Edmundo Falk Hugone filio Nicholai de Wyly Sauerico de Bymerton Johanne le Hoy Petro Cray Herberto de Chyldhampton et aliis