Charter Document - 08020028
| Charter Number: | 08020028 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1240 - 1257 |
| Date type: | Assigned |
| Resource Link(s): |
|
Charter:
Omnibvs Christi fidelibus ad quos presens scriptum peruenerit prior et conuentus Walingfordye salutem in Domino Attendentes ecclesiam beate Marie de Henton infra cuius parochie limites percipimus decimas prouenientes de duabus hidis terre de dominico Basset de feodo de Appelton in villa de la Brode towne ex percepcione ipsam aliquatenus esse lesam In lesionis ipsius recompensacionem ecclesiam ipsam propter bonum consciencie duximus honorandam hinc est quod bona fide promittimus et constituimus nos duas libras cere annuas futuris et perpetuis temporibus ecclesie reddituros supradicte quas in vigilia assumpcionis beate virginis super maius altare in ecclesia memorata nostro nomine faciemus offerri Ad cuius rei perpetuam firmitatem hoc presens scriptum per quod ad redditum predictum modo supradicto soluendi nos obligamus et volumus inperpetuum obligari Sigillo nostro duximus muniendum Hijs testibus Dominis Roberto decano Sarum Egidio archidiacono Berkshire Thoma de la Wile et multis alijs []