Charter Document - 08020027
| Charter Number: | 08020027 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1226 - 1228 |
| Date type: | Assigned |
| Resource Link(s): |
|
Charter:
Omnibvs Christi fidelibus presens scriptum inspecturis Richardus persona de Henton salutem eternam in Domino Nouerit vniuersitas vestra me de assensu et consensu venerabilis patris mei Ricardi Dei gracia Sarum episcopi diuine caritatis intuitu quantum ad personam pertinet concessisse domino Hugoni patrono ecclesie de Henton predictam licenciam construendi oratorium infra terram suam de Henton Ita quidem quod in ipso possint diuina celebrari tam tempore suo quam heredum suorum sub hac forma videlicet quod quicunque ei successerit iure hereditario vel alio modo custodiam terre predicte de Henton habuerit mihi et successoribus meis tam coram Episcopo Sarum quam coram archidiacono Wilts in pleno capitulo de Auebury prestabit sacramentum quod in omnibus matricem ecclesiam conseruabit indemnem adeo quod pretextu huius predicte concessionis in nullo damnificetur Capellanus vero quicunque ibi diuina erit celebraturus mili et successoribus meis a prefato Hugone et successoribus suis antequam celebret presentabitur qui archidiacono loci per me et successores meos presentatus in pleno capitulo de fidelitate mihi et successoribus obseruanda et indemnitate ecclesie matricis cautionem presentabit quamdiu in predicto oratorio celebrauerit Prefatus vero Hugo et quicunque ei successerit in omnibus necessaria capellanis in dicto oratorio Deo seruientibus ministrabit ita quod capellani quicunque fuerint neque de obuencionibus altaris quocunque modo oblatis ibidem siue quibuscunque rebus alijs aliquod ad opus suum siue capelle aut alicuius altaris aliquid retinebunt exceptis candelis die beati Nicholai in prefato oratorio oblatis Prefatus vero H[ugo] et successores sui ad seruiendum Deo in dicto oratorio tam in vestimentis quam in libris in omnibus alijs necessarijs sumptibus suis proprijs plene necessaria inuenient Si vero capellanus aliquis in dicto oratorio Diuina celebrans contra predictam formam venire presumpserit diuina in eodem non celebrentur ab eo siue alio donec matrici ecclesie mihi et successoribus meis plene fuerit satisfactum Dictus vero H[ugo] diuine caritatis intuitu Deo et ecclesie de Henton et eius successoribus in puram et perpetuam elemosinam dedit et concessit viam iuxta Cimiterium in curia sua a domo sacerdotis vsque ad ianuam illius persone et est latitudo vie xvj pedum Idem eciam H[ugo] et successores sui singulis inperpetuum die Natiuitatis beate virginis Marie dicte matrici ecclesie et eius rectoribus duas libras cere persoluent Concessit eciam dictus H[ugo] ecclesie prefate pasturam quatuor animalium in augmentum duorum Scilicet in communi pastura et duorum in dominica pastura cum bobus suis proprijs Concessit et dictus H[ugo] rectoribus ecclesie de Henton quod habeant palefridum suum cum palefrido suo et heredum suorum in pastura et herbam ad opus palefridi cum palefrido suo Quam concessionem et donacionem dictus H[ugo] et heredes sui mihi R[icardo] et successoribus meis inperpetuum debent warantizare Hijs testibus Stephanus archidiacono Wilts P decano de Auebury G vicario de Auebury Symone persona de Keneta Salomone persona de Peveseya Radulpho de Henton Johanni de Henton Johanne Waz Symone clerico et multis alijs