Charter Document - 08020026
| Charter Number: | 08020026 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1238 - 1257 |
| Date type: | Assigned |
| Resource Link(s): |
|
Charter:
Omnibvs Christi fidelibus ad quos presens carta mea peruenerit Henricus de Wodhay capellanus Salutem Noueritis me pro salute anime mee patris mei et matris mee ac omnium benefactorum meorum dedisse concessisse ac presenti carta mea confirmasse Deo beate Marie et beato Nicholao ac magistro et fratribus hospitalis sancti Nicholai Sarum in puram et perpetuam elemosinam vnum messuagium cum crofta que habui in villa de la Brode towne alias Brodouere quod quidem messuagium iacet inter tunc tenementum Matildis relicte Aylwarde ex parte boreali et grangiam rectoris ecclesie de Henton ex parte australi Et dicta crofta iacet inter tenementnm dicte Matildis ex parte boreali et tenementum Walteri Acreman ex parte australi Habendum et tenendum dicti hospitalis magistro et fratribus sic ut prefertur in puram et perpetuam elemosinam et eorum successoribus inperpetuum libere et pacifice reddendo inde annuatim capitali domino feodi illius seruicia inde debita et de iure consueta Et ego et heredes mei hanc donacionem meam et perpetuam elemosinam dicti hospitalis magistro et confratribus ibidem contra omnes homines et feminas warantizabimus acquietabimus et defendemus inperpetuum In cuius rei testimonium huic scripto sigillum apposui hijs testibus R[oberto] decano Sarum Adam Thesaurario et multis alijs []