Charter Document - 08020024
| Charter Number: | 08020024 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes atte Elme dedi concessi et hac presenti carta mea confirmaui Waltero de Shirburn et Richardo Baynard heredibus et assignatis suis vnum messuagium cum crofta quod habui in villa de la Brode towne alias Brodeouer quod quidem messuagium iacet inter tunc tenementum Matildis relicte Aylward ex parte boreali et grangiam Rectoris ecclesie de Henton ex parte australi Et crofta adiacens iacet inter tenementum dicte Matildis ex parte boreali et tunc tenementum Walter le Hacreman ex parte australi Habendum et tenendum dictis Waltero et Richardo et eorum heredibus vel assignatis dictum messuagium cum crofta et cum omnibus pertinencijs suis de capitali domino feodi illius libere quiete bene et pacifice iure hereditario inperpetuum Reddendo inde annuatim capitali domino feodi seruicia inde debita et de more consueta Et ego vero predictus Johannes et heredes mei seu assignati dictum messuagium cum crofta et alijs suis pertinencijs vniuersis dictis Waltero et Richardo heredibus seu assignatis suis Warantizabimus acquietabimus et defendemus contra omnes mortales inperpetuum Pro hac autem donacione concessione et presentis carte mee confirmacione dederunt michi dicti Walterus et Richardus quadraginta solidos sterlingorum pre manibus In cuius rei testimonium hanc presentem cartam meam sigilli mei impressione roboraui hijs testibus Reginaldo Waas Domino Johanne Jenkyn rectore ecclesie Corston Henrico de Fremez Johanne Bernard et multis alijs