Charter Document - 08020021
| Charter Number: | 08020021 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1253 |
| Date type: | Assigned |
| Resource Link(s): |
|
Charter:
Willelmus Dei gracia Sarum Episcopus dilectis in Christo filijs magistro et fratribus hospitalis sancti Nicholai nouarum Sarum Salutem graciam et benedictionem Oblata nobis vestra supplicacio continebat vt cum ad vestram sustentacionem propriam nedum aliorum transeuncium egenorum ad hospitale vestrum confluencium proprie non suppetant facultates de ecclesia de Henton in qua ius patronatus obtinetis quam ordinacioni nostre absolute spontanei commisistis pro vestris necessitatibus releuandis curaremus misericorditer ordinare Nos igitur paupertati vestre paterno compacientes affectu de capituli nostri Sarum consensu vnanimi et concordi Magistro Roberto de Wichampton ipsius ecclesie rectori pro defensione ipsius ecclesie coram nobis personaliter constituto longo et diligenti tractatu prehabito de consensu rectoris eiusdem in nostri capituli presencia inuocatu Spiritus sancti gracia de predicta ecclesia ordinandum duximus in hunc modum videlicet quod predicto rectore cedente uel decedente in antedicta ecclesia cum omnibus suis pertinencijs in vsus hospitalis predicti vestroque et successorum vestrorum ibidem Deo seruientium et quod magis eiusdem loci hospitalitas amplietur perpetuis cedat temporibus futuris itaque presentis ordinacionis nostre auctoritate prefato rectori cedente vel decedente liceat vobis sine contradictione cuiuslibet auctoritate qualibet alia seu consensu minime requisitis possessiones dicte ecclesie vestre ingredi libere et licenter Statuentes quod de bonis ipsius ecclesie mobilibus et immobilibus decimacionibus maioribus et minoribus et alijs quibuscunque ad ipsam ecclesiam pertinentibus tanquam de concessis vobis pontificali auctoritate in vsus proprios conuertendis ordinare et disponere cum vacauerint prout supradictum est libere valeatis resignata nobis vel successoribus nostris potestate ordinandi vicarium iuxta consilij Oxon moderacionem taxandum in ecclesia memorata Saluis et in omnibus jure auctoritate et dignitate nostris et successorum nostrorum et ecclesie nostre Sarum Et vt hec nostra ordinacio et constitucio Robur obtineat perpetue firmitatis eas presenti scripto sigilli nostri apposicione fecimus communiri Hijs testibus Dominis et magistris Roberto decano Radulpho Cancellario Sarum et multis alijs ut in carta