Charter Document - 08020020
| Charter Number: | 08020020 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1259 - 1262 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Calna filius Reginaldi de Calna militis dedi concessi et hac presenti carta mea confirmaui Deo et priori et fratribus hospitalis sancti Nicholai Sarum ibidem Deo seruientibus duas acras terre mee arabilis in territorio de Henton in puram et perpetuam elemosinam quarum vna iacet in campo occidentali Sarum in langforlong cuius vna dimidia acra se extendit super croftam domine Alicie de Gay Et alia dimidia acra se extendit super croftam Simonis Palmarij Alia vero iacet in campo orientali quam quondam tenuit Aldericus et se extendit in longitudine de laburne versus domum Roberti le Kyng tenentis ecclesie de Henton et Insuper unum messuagium cum toto curtillagio in villa de Henton videlicet illud quod iacet inter portam curie mee et curiam vicarij eiusdem ecclesie Habendas et tenendas adeo libere quiete et pacifice sicut aliquid in elemosina potest haberi vel teneri Et ego Willelmus de Calna et heredes mei dictas duas acras terre cum dicto messuagio et toto curtilagio dictis priori et fratribus contra omnes homines warantizabimus acquietabimus et defendemus Pro hac autem donacione et concessione mea concesserunt mihi dicti prior et fratres quantum ad ipsos pertinet de licencia et consensu venerabilis patris Egidij Dei gracia tunc Sarum Episcopi quod possim in curia mea capellam construere et in eadem Ego et Libera familia mea diuina officia audire Et vt hec mea donacio et concessio firma et inconcussa permaneat presentem cartam sigillo meo roboraui Hijs testibus Magistro Roberto de Wichampton tunc decano Sarum Magistro Radulpho de Hecham tunc Cancellario Sarum et multis alijs