Charter Document - 08020018
| Charter Number: | 08020018 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1253 |
| Date type: | Internal, Calendar, Regnal |
| Resource Link(s): |
|
Charter:
Sciant presentes et futuri quod Ego Richardus filius Hugonis de Henton miles dedi et concessi et hac presenti carta mea confirmaui Deo et beate Marie et hospitali sancti Nicholai Sarum et magistro et fratribus eiusdem loci ibidem Deo seruientibus tam sanis quam infirmis sex acras terre cum pertinencijs in villa de Henton cum aduocacione ecclesie de Henton in puram et perpetuam Elemosinam habendas et tenendas dicto hospitali Magistro et fratribus ibidem Deo seruientibus et eorum successoribus inperpetuum libere quiete et pacifice ab omni seculari exactione et demanda Et Ego et heredes mei hanc donacionem meam et elemosinam puram dicto hospitali magistro et fratribus ibidem Deo seruientibus contra omnes homines et feminas warantizabimus acquietabimus et defendemus inperpetuum In cuius rei testimonium huic scripto sigillum meum apposui Actum anno regni regis Henrici trigesimo septimo xiij Kalendas Septembris Hijs testibus Magistro Egidio decano Wellensi Magistro Nicholao archidiacono Wilts Domino Nicholao sub decano et multis alijs