Charter Document - 08020016
| Charter Number: | 08020016 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1279 |
| Date type: | Internal, A.D., Calendar |
| Resource Link(s): |
|
Charter:
Die Mercurij viij Idus Martij anno domini MCC septuagesimo viii presentibus in capitulo Saresberiensi dominis Waltero Decano Johanne precentore Simone Cancellario Nicolao thesaurario Stephano Berks et Henrico Wiltes archidiaconis Willelmo Sub decano Johanne succentor Willelmo penitentiario Hugone de la penne Galfrido de Muleborn Willelmo de Brimpton canonicis Saresberiensibus Cum de iurisdictione inter Scolares in ciuitate Saresberiensi studiorum causa commorantes exercenda inter Cancellarium et Subdecanum predictos quorum vterque iurisdictionem ipsam ad suum officium pertinere dicebat dissensio quedam exorta fuisset tandem habito super hoc tractatu in capitulo die ipsa de vtriusque [ipsorum] expresso consensu conuenerunt in hunc modum uidelicet quod dictus dominus Cancellarius ad cuius officium pertinet scolas regere inter omnes scolares cuiuscumque facultatis existant studiorum causa in ciuitate ipsa commorantes qui tanquam scolares certi doctoris cuius scolas frequentant recommendacionem et testimonium habeant de contencionibus ciuilibus et personalibus que pecuniarum interesse respiciunt et scolasticis omnibus contractibus et eciam si laicus aliquem huiusmodi scolarium in consimilibus causis impetere uoluerit cognoscat et diffiniat et presbyteri ciuitatis decreta et precepta eiusdem Cancellarij in hijs exequi teneantur