Charter Document - 08020008

Anno domini M[CC]LXVIJ Idus Februarii Conuenit inter religiosos viros Willelmum priorem de Ferleig et eiusdem loci conuentum ordinis cluniacensis ex parte vna et fratrem Adamum priorem Hospitalis sancti Nicholai Sarum et eiusdem Hospitalis conuentum ex altera videlicet quod dicti prior et conuentus de Ferley concesserunt et ad perpetuam firmam tradiderunt predictis priori Hospitalis et conuentui suo terram suam quam habent in territorio de Maningford vna cum omnibus decimis tam maioribus quam minoribus quas ibidem et in Wyuelesford percipere consueuerunt Ita quod dicti prior et fratres Hospitalis reddent annuatim prefatis priori de Farleye et conuentui inperpetuum quinque marcas sterlingorum pro predictis apud Farleye ad duos anni terminos videlicet infra quindenam pasche duas marcas et dimidium Et infra quindenam sancti Michaelis annuatim duas marcas cum dimidio Remiserunt insuper dictus prior Hospitalis et conuentus pretactis priori et conuentui de Ferleye xxx solidos annuos inperpetuum quos a predictis nomine pensionis dietarum decimarum percipere consueuerunt Volunt eciam quod si in pretaxate pecunie solucione dictis terris et loco voluntarie [quod absit] in parte vel in toto defecerint quod liceat predicto priori de Ferleye et conuentui possessionem dictarum decimarum absque contradictione et impedimento ingredi per se vel per suos et pacifice quiete et habite incumbere possessioni nisi infra quindenam post monicionem huic factam eisdem fuerit plene de debita solucione satisfactum Et si quod dampnum et grauamen pretextu dilacionis intervenerit mediante iusticia eisdem satisfieri debet indilate Volunt quod pro qualibet monicione de soluendo sibi legitime facta quod monitori teneatur in xij denarijs incontinenti reddendis Volunt insuper quod si casu contingente prior et conuentus de Ferleye predictam conuencionem infirmando causam vel occasionem prestiterint quo cicius pretacte decime et terra a priore dicti hospitalis et fratribus eiusdem quoquomodo fuerint alienate quod memoratos xxx solidos quos nomine pensionis percipere consueuerunt quod demum perpetuo percipere omni contradictione semota queant iure quo prius nomine pensionis de predictis decimis omnibus contradictione cauillacione appellacione semotis quicunque predicte conuencionis ex deliberacione transgressor fuerit Iniuriam passo teneatur in c solidos sterlingorum soluendos infra duos menses sequentes et ad hoc volunt per censuram ecclesiasticam per officialem Cantuariensem ad predicta compelli In hujus conuencionis confirmacionem et robur perpetuum utrimque sigilla sua et conuentus apposuerunt