Charter Document - 08020007

Hoc presens scriptum in modum cyrographi confectum testatur quod hec est conuencio facta inter Rogerum Archidiaconum Wilts ex parte vna et Adamum dictum Priorem et fratres sancti Nicholai Sarum ex altera videlicet quod dictus Archidiaconus tradidit et concessit dictis priori et fratribus decimas singulas et vniuersas quas habet in villa de Wyuelesford et Manyngford per concessionem et assensum Prioris et conuentus de Ferleya vsque ad quinque annos completos Ita quod dictus prior et fratres persoluant dicto Archidiacono vel assignatis suis sex marcas et dimidium ad quatuor anni terminos videlicet ad festum sancti Michaelis xx solidos et xx denarios Ad natale Domini xx solidos et xx denarios Ad pascha xx solidos et xx denarios Et ad natiuitatem sancti Johannis baptiste xx solidos et xx denarios Et Insuper dictus prior et fratres facient dicto archidiacono habere duas carucatas boni feni et non putrefacti annuatim apud Sarum circiter festum beati Michaelis vsque ad predictum tempus Et ad omnia predicta obseruanda dictus archidiaconus et predicti prior et fratres fide media se astrinxerunt Et ad maiorem securitatem predicti presenti scripto in modum cyrographi confecto sigilla sua alternatim apposuerunt Datum Sarum dominica proxima post translacionem sancti Thome martiris Anno Domini M[CC]LXVJ