Charter Document - 08020004
| Charter Number: | 08020004 |
|---|---|
| Cartulary Title: | The Fifteenth Century Cartulary of St. Nicholas' Hospital, Salisbury |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1240 - 1246 |
| Date type: | Assigned |
| Resource Link(s): |
|
Charter:
Vniversis sancte matris ecclesie filijs hoc scriptum visuris vel audituris Robertus miseracione divina Sarum ecclesie minister humilis Salutem in Domino Nouerit vniuersitas vestra Nos collacionem nobilis viri Humfridi de Bown comitis Herforde et Estsexie quantum ad ipsum pertinet decimarum dominici sui de Maningford et Wyuelesford quas ante resignacionem in manu nostra factam magistro Henrico de Bathon ex eiusdem presentacione et nostra collacione possedit Priori et Conuentui domus sue de Ferleya per cartam suam roboratam in presencia Capituli nostri inspexisse Et literas eiusdem presentacionis ad easdem decimas percepisse cum deuota supplicacione vt easdem decimas ipsis in proprios vsus concedere dignaremur saluo redditu triginta solidorum ex eisdem Magistro et dictum fratribus hospitalis Sancti Nicholai Sarum tribus terminis soluendorum apud Wyuelesford prout in composicione quadam facta inter Decanum et capitulum Sarum et dictum hospitale Sancti Nicholai ex vna parte et dictum Humfridum et dictum magistrum Henricum ex altera plene continetur Scilicet ad festum Sancti Michaelis x solidos Ad festum Annunciacionis beate Marie x solidos Et ad Natiuitatem sancti Johannis baptiste x solidos Nos igitur bonum religionis et paupertatem eiusdem domus et secundum vires hospitalitatem attendentes antefatam collacionem dicti comitis auctoritate pontificali confirmamus et easdem decimas secundum formam predictam in dicta composicione contentam dictorum capituli nostri Magistri et fratrum hospitalis sancti Nicholai Sarum interueniente consensu in vsus proprios habendas et inperpetuum conuertendas concedimus Saluis in omnibus iure auctoritate et dignitate Sarum ecclesie nostraque et successorum [nostrorum] In cuius rei testimonium Sigillum nostrum vna cum sigillis Capituli nostri Prioris et conventus de Ferleya et Magistri ac fratrum dicti hospitalis presenti pagine fecimus apponi Hijs testibus Domino Roberto [de Hertford] decano Rogero precentore Radulplo [Hecham] cancellario Henrico [de Lexington] thesaurario et alijs Rogero succentore Nicholao subdiacono Sarum dominis Petro de Cumbe et Waltero de la Wile canonicis Sarum Magistris Robertus de Bingham Rogero de la Grene Nicholao de Wichamton eiusdem loci canonicis dominis Waltero de Hauenburia Johanne Vernun Henrico Rufo militibus et multis alijs