Charter Document - 07920406
| Charter Number: | 07920406 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1200 |
| Date type: | Assigned |
| Resource Link(s): |
Bodleian Library - MS. Rawl. B. 333 (f54r) |
Charter:
Johannes Dei gratia [] Sciatis nos confirmasse et concessisse abbati de Ramesia et ecclesie sue et monachis suis omnes terras et ecclesias et decimas omnimodas possessionem abbatie pertinentium et nominatim feriam suam ad Sanctum Ivonem de Slepe et Clacklos hundredum et dimidium cum omnibus libertatibus et consuetudinibus eisdem pertinentibus et mercatum suum de Dunham et socam suam de Huntingdon et terram suam de London cum suis libertatibus et manerium suum de Waleton cum terris mariscis et nemoribus et omnibus appenditiis suis et villam de Oure cum pertinentiis suis et finem que super eadem villa facta est inter ipsos monacho et Gaufridum Peccat[um] unde habuit chartam patris nostri et hundred de Hurstmest pro quatuor marcis argenti vicecomiti annuatim inde reddendis et villam de Rypton cum omnibus rebus ad eam pertinentibus pro octo libris vicecomiti annuatim inde reddendis villam etiam de Brauncestre et villam de Ringested cum Hulmo et aliis pertinentiis suis et cum omnibus libertatibus que ad predictas villas pertinent scilicet soc et sac et tol et theam et enfengenth[ef] et hamsoc et gridbrich et forstall et blodwith et pecunias que ad murdrum pertinent et wreccum maris et cum omnibus libertatibus et omnibus placitis que ad coronam nostram pertinent apud predictas villas [de] Brauncestre et Ringested et apud Clacklos hundredum et dimidium et omnes alias terras et tenuras suas de quocunque eas habent sicut ecclesie sancti Benedicti de Rameseya melius eas habuit in aliquo tempore Insuper etiam quietos eos clamamus ab omnibus placitis et querelis schiris hundredis et ab omnibus occasionibus et ab omni opere castelli sive pontis seu quocunque alio opere servili et ab omni collectione census qui Gild vel Scott vel Danegeld Anglice nominatur Volumus itaque et firmiter precipimus quod abbas et ecclesia sua bene et in pace et honorifice et libere et quiete teneant in bosco et plano in pratis et pascuis in aquis et mariscis et molendinis in medio maris et in littore in vivariis et piscariis et exclusis et stagnis et virgultis et curtilagiis in civitate et extra infra burgum et extra in mercato et extra in ferie in viis et semitis et exitibus et in omnibus locis cum socca et sacca et toll et theam et infangenthef in quocunque hundredo terras habent et cum omnibus libertatibus et quietantiis et consuetudinibus cum quibus ecclesia supradicta unquam aliquo tempore melius et quietius tenuit et sicut charte predecessorum nostrorum regum Anglie plenius attestantur Et legata terre sue circa abbatiam suam ita sit quieta et libera a visu forestariorum et ab omni seculari potestate sicut unquam quietior fuit aliquo tempore Prohibemus etiam ne aliquis justitiarium aut vicecomitum vel ministrorum nostrorum per aliquam occasionem de predictis libertatibus injuriam aut vexationem eis faciat vel fieri permittat sicut charte regis Willelmi et regis Henrici avi patris nostri et regis Henrici patris nostri et regis Ricardi fratris nostri rationaliter testantur His testibus G[alfrido] filio Petri comitis Essexie Willelmo de Bruos Willelmo de Briwer Datum per manum S[imonis] Wellensis archidiaconi apud Cheleworth xxii die Octobris