Charter Document - 07920397
| Charter Number: | 07920397 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1188 |
| Date type: | Internal, A.D. |
| Resource Link(s): |
Bodleian Library - MS. Rawl. B. 333 (f52r) |
Charter:
Sciant presentes et futuri quod hec conventio facta est inter Robertum abbatem Ramesie et ejusdem loci conventum et Gaufridum clericum de Hulmo scilicet quod idem abbas et conventus concesserunt prefato G[aufrido] totam terram illam quam Ruelandus decanus de eis tenuit in villa de Holm scilicet medietatem dominii sui cum molendino et marisco et omnibus libertatibus ad medietatem illam pertinentibus salva abbati et conventui omnimoda libertate quam habent in Ringstede et Holm ex regum donatione et salvis consuetudinibus quas memoratus abbas et conventus tempore Ruelandi decani predecessoris ipsius G[aufridi] ibi habere solebant tenendam de eis tota vita sua pro xl solidis pro omni servitio annuatim inde reddendis ad duos terminos scilicet xx solidis ad Pascha et xx solidis ad festum sancti Michaelis ita quidem quod mater ejusdem Gaufridi prefatam terram tota vita sua tenebit si idem Gaufridus prius decesserit vel vitam mutaverit Idem etiam Gaufridus juravit quod prefatis abbati et conventui fidelitatem servabit et quod non queret artem vel ingenium vel per se vel per alium quo minus memorata terra post mortem ipsius vel matris sue monasterio Ramesie libere revertatur Hoc actum est apud Ramesiam anno ab incarnatione Domini MCLXXXVIII sub his testibus magistro Herberto de Ramesia Waltero dapifero Petro de Bramcestre Roberto filio suo magistro Godefrido de Rising Bartholomeo de Hulmo