Charter Document - 07920395
| Charter Number: | 07920395 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1180 - 1200 |
| Date type: | Assigned |
| Resource Link(s): |
Bodleian Library - MS. Rawl. B. 333 (f52r) |
Charter:
Frater S dictus abbas de Valle Dei et W subdecanus Linc[olniensis] et magister R de Derbi omnibus ad quorum notitiam presens scriptum pervenerit salutem Universitati vestre notum facimus quod causa que vertebatur inter T clericum de Ailinctone et abbatem et monachos de Ramesei super pensione x marcarum nomine ecclesie de Ailinctone auctoritate summi pontificis nobis fuit commissa et in presentia nostra diutius agitata tandem partibus consentientibus hoc fine conquievit Convenit siquidem inter eos quod predictus T singulis annis solvet jam dictis abbati et monachis de Ram[esia] v marcas argenti de ecclesie de Ailinctone duas scilicet marcas et dimidium ad festum Sancti Michaelis et duas marcas et dimidium ad Pascha idem etiam abbas et monachi concesserunt sepe dicto T decimas de dominio suo de Burewelle a quarum prestatione auctoritate Romanorum pontificum immunitatis obtinuerunt beneficium pro duabus marcis argenti singulis annis jam dictis abbati et monachis ad terminos predictos persolvendis Sepe fati etiam abbas et monachi fideliter promiserunt quod de ecclesia de Ailinctone et de ecclesia de Burewelle et de decimis prememoratis nullam ei questionem de cetero movebunt dictus etiam T tactis sacrosanctis Evangeliis juravit hanc conventionem se fideliter observaturum His testibus magistro Alexandro Ricardo de Kelesei magistro Waltero Galfrido de Torpe Radulfo de Virin Drogone canonicis Alexandro capellano de Swinderbi