Charter Document - 07920380
| Charter Number: | 07920380 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1163 |
| Date type: | Internal, A.D., Feast |
| Resource Link(s): |
Bodleian Library - MS. Rawl. B. 333 (f50v) |
Charter:
Thomas Dei gratia Cantuariensis ecclesie minister humilis universis sancte matris ecclesie fidelibus salutem Publice notum est Gaufridum de Mandeville multa damna monasterio de Ramesia tempore hostilitatis irrogasse quapropter comes Gaufridus filius ejus pro patre suo satisfacere desiderans cum Willelmo abbate monachisque cenobii de Ramesia in hunc modum composuit Triennio isto solvet prefatus comes monachis annuos centum solidos medietatem ad festum sancti Michaelis medietatem ad Pascha et antequam compleatur hoc triennium assignabit comes Gaufridus cenobio de Ramesia redditum centum solidorum loco opportuno et commodo in terris vel in ecclesiis Quod se facturum sub fidei religione in nostra manu promisit presente venerabili fratre nostro Hillario Cicestrensi episcopo et assidentibus nobis clericis nostris Roberto archidiacono de Oxeneford Johanne de Tylleb Roberto de Bellafago Stephano de Eketone Willelmo de Leircestre Hec conventio facta est apud Windlesoueram anno ab incarnatione Domini MCLXIII primo sabbato post octavas Pasche