Charter Document - 07920377
| Charter Number: | 07920377 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1156 - 1160 |
| Date type: | Assigned |
| Resource Link(s): |
Bodleian Library - MS. Rawl. B. 333 (f50r) |
Charter:
R[obertus] Dei gratia Lincolniensis episcopus universis sancte ecclesie fidelibus salutem Noverit universitas hominum presentis et futuri temporis quoniam abbas Walterus et totus conventus Ramesiensis monasterii hoc tenore concesserunt ecclesiam de Scithlingd[une] Rogero de Almaria precentori Lincolniensis ecclesie quamdiu vixerit tenendam reddendo singulis annis quinque solidos elemosinario Ramesie ad pascendos pauperes ut postquam decesserit vel ad religionem conversus fuerit ipsa ecclesie in perpetuam revocetur possessionem Ramesiensis monasterii et in dominium elemosinarii ad pauperes sustinendos salvis tamen justis ecclesie Lincolniensis et nostris per omnia consuetudinibus et dignitatibus ita ne ulterius ad aliquam aliam transferatur personam Hoc factum est assensu abbatis Walteri et totius conventus in presentia domini Th[eobaldi] Cant[uariensis] archiepiscopi Anglie primatis et apostolice sedis legati et venerabilium fratrum nostrorum N[igelli] Elyensis et W[illelmi] Norwycensis episcoporum et nostra Valete