Charter Document - 07920374
| Charter Number: | 07920374 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1148 - 1160 |
| Date type: | Assigned |
| Resource Link(s): |
Bodleian Library - MS. Rawl. B. 333 (f50r) |
Charter:
Walterus Dei gratia Ramesiensis monasterii licet indigne dictus abbas universis sancte matris ecclesie filiis salutem Quoniam pii affectus et religiosi est pauperum et peregrinorum necessitatibus et tribulationibus subvenire et pauperiem indigentium in quantum potest fraterne dilectionis affectu relevare quam plurimum fratrum nostrorum utile duximus consilio elemosinariam nostram quibus possumus rationabilibus modis ampliare et possessiones ejus in quantum possumus multiplicare Inde est quod omnium fratrum nostrorum voto unanimi et consensu ecclesiam de Wardebosco cum terris liberis et decimis et omnibus pertinentiis suis eidem elemosinarie concessimus et de cetero in perpetuum ei assignavimus ad usum et sustentationem pauperum et peregrinorum ita ut elemosinarius quisquis fuerit ejusdem ecclesie personatum obtineat et rebus ecclesiasticis pro voluntate sua libere disponat prout utilius poterit ad elemosinariam sustentandam Hanc autem nostram donationem et concessionem dominus Robertus Linc[olniensis] episcopus in cujus territorio nostra fundata est abbatia petitione nostra confirmavit et carta sua in perpetuum valitura corroboravit