Charter Document - 07920358
| Charter Number: | 07920358 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1175 - 1178 |
| Date type: | Assigned |
| Resource Link(s): |
Bodleian Library - MS. Rawl. B. 333 (f48v) |
Charter:
Universis sancte matris ecclesie filiis ad quos litere presentes pervenerint Ricardus prior Elyensis ecclesie et totus conventus ejusdem loci salutem in Domino Noverit universitas vestra dominum nostrum G[aufridum] Dei gratia Elyensem episcopum exegisse ab hominibus abbatis de Rameseia manentibus in Chateriz videlicet infra libertatem sancte Etheldrithe in hundredo de Wicheford operationem quandam ab eis ex antiquo debitam in portione que eis competebat in calceta de Alreheda sicut homines de hundredo procedentes et testificantes operationem illam deberi a predictis hominibus dicebant quorum quidam dicebant se vidisse operationem illam a predictis hominibus de Chateriz factam fuisse et districtionem factam catellorum eorundem hominum pro defectu illius operationis et se hoc probaturos asserebant hominibus abbatis e contra asserentibus se nec fecisse nec facere debere illam operationem Propter quod dominus episcopus et memoratus abbas convenientes de verbo illo mediantibus hominibus utriusque partis qui aderant tractaverunt ita quod propter illius exactionis gravamen et districtionem que fiebat de catallis predictorum hominum pro predicta operatione de consensu abbatis Ramesie et ejusdem loci conventus iidem homines de Chateris et successores eorum post eos ecclesie Elyensi et domino episcopo et successoribus suis solvent annuatim ad Pascha duos solidos ad reparationem predicte calcete et hoc faciendo inperpetuum liberi et quieti erunt a predicta operatione Quam quidem transactionem inter dominum Elyensem et abbatem Ramesie predicto modo factam concedimus et ratam habemus et ad eandem corroborandam presenti carte sigillum nostrum appendimus Testibus Waltero filio Hugonis Radulfo Barulf Willelmo Muschet Turoldo de Henegent Reginaldo de Chewelle Roberto de Welles Henrico Muschet Nicholao de Colna Johanne de Wintewrde Henrico de Stuthe Aluredo de Wicheford Ascelino de Wicheford Gaufrido Morel Waltero de Hadenh[am] Radulfo Ruffo