Charter Document - 07920356
| Charter Number: | 07920356 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1154 - 1189 |
| Date type: | Assigned |
| Resource Link(s): |
Bodleian Library - MS. Rawl. B. 333 (f48v) |
Charter:
Henricus Rex Anglie et dux Normannie et Aquitanie et comes Andegavie justitiariis vicecomitibus et omnibus ballivis suis totius Anglie salutem Sciatis quod suscepi in manu et custodia et protectione mea ecclesiam Ramesie et abbatem et monachos ibidem Deo servientes et omnes res et possessiones eorum et ideo precipio vobis quod ipsam ecclesiam et abbatem et monachos et terras et homines et omnes res et possessiones eorum custodiatis manuteneatis et protegas sicut meas dominicas ita quod nullam eis in aliquo injuriam vel contumeliam aut gravamen faciatis nec fieri permittatis et si quis eis super hoc in aliquo forisfacere presumpserit plenarium inde justitiam sine dilatione fieri faciatis et prohibeo ne prenominatus abbas ponatur in placitum de ulla re quam per ballivos meos receperit quando abbatiam Ramesie recepit donec in Angliam veniam Teste magistro Waltero de Const[antiis] Apud Daufront