Charter Document - 07920336

Henricus Rex Anglie et dux Normannie et Aquitanie et comes Andegavie archiepiscopis episcopis abbatibus comitibus justitiariis vicecomitibus baronibus et omnibus ministris suis et fidelibus totius Anglie salutem Sciatis me concessisse et confirmasse Waltero abbati de Ramesia et ecclesie sue et monachis suis omnes terras et ecclesias et decimas et omnimodas possessiones eidem abbatie pertinentes et nominatim feriam suam ad Sanctum Yvonem de Slepe et Clacloshundredum et dimidium cum omnibus libertatibus et consuetudinibus ei pertinentibus et mercatum suum de Dunham et socam suam de Huntedune et terras suas Lond[ini] cum suis libertatibus et manerium de Waltona cum terris et mariscis et nemoribus et omnibus appenditiis suis et omnes alias terras et tenuras suas de quocunque eas habeant sicut ecclesia Sancti Benedicti de Ramesia melius ea habuit in aliquo tempore et die qua Rex Henricus avus meus fuit vivus et mortuus Volo itaque et firmiter precipio quod abbas et ecclesia sua bene et in pace et honorifice et libere et quiete teneant in bosco et plano et pratis et pascuis et aquis et mariscis et molendinis in wrec maris et in littore in vivariis et piscariis et exclusis et stagnis et virgultis et curtillagiis in civitate et extra infra burgum et extra in mercatu et extra in feriis in via et semitis et exitibus et in omnibus locis cum soca et saca et tol et theam et infangenethef in quocunque hundredo terras habeant et cum omnibus libertatibus et quietationibus et consuetudinibus cum quibus ecclesia predicta unquam aliquo tempore melius et liberius et quietius tenuit et sicut carte regum predecessorum meorum et maxime carta Regis Henrici avi mei testantur et leugata terre sue circa abbatiam suam ita sit quieta et libera ab omni seculari potestate sicut unquam quietior fuit aliquo tempore predecessorum meorum regum Anglie Testibus Thoma cancellario et Reginaldo comite Cornubie et R[oberto] comite Legr[ecestrie] et Roberto de Novo Burgo Apud Lincolniam