Charter Document - 07920310

Notum sit omnibus hominibus tam modo existentibus quam posteris quod Walterus de Bolebech Waltero abbati de Ramesia et ceteris abbatibus sequentibus ejusdem loci donavit terram de Waltona tenendum de se et heredibus suis per servitium duorum militum in omnibus servitiis que facient compares sui de eodem feudo preter wardam novi castelli et hoc pacto quod si abbas Walterus moriatur vel vitam suam mutet monachi revelabunt terram eandem et tenebunt et facient servitium erga Walterum de Bolebach vel heredem suum donec alius abbas veniat donando decem marcas argenti et abbas qui venerit eodem relevamine eandem terram tenebit et servitium faciet et si monachi noluerunt eam relevare Walterus de Bolebeche vel heres suus tenebit illam donec alius abbas veniat qui relevet et teneat eandem per easdem decem marcas argenti quas monachi daturi erant si vellent Et de hoc pacto Walterus abbas fecit eum securum per duos milites quos abbas posuit in suo loco Houerinnuum scilicet et Henricum de Wichentone et si aliquis eorum moriatur alium ponat in loco suo abbas per electionem domini Walteri de Bolebech aut heredis sui et si alius abbas venerit iterum faciet dominum Walterum de Bolebech securum vel heredem sunm de hoc eodem pacto per alios duos milites in electione Walteri vel heredis sui si alios habere voluerit Et si foris fecerit abbas aliquid erga dominum Walterum unde velit eum implacitare in curia sua veniet et faciet ei rectum sicut de laico feudo et hoc dico in schira Bedefordie vel Buchinghamie nec alibi et si non venerit abbas constringat eum Walterus de Bolebech vel heres per pecuniam suam sicut de laico feudo Et si dominus Walterus de Bolebech habeat placitum ad faciendum in curia sua ubi abbatem habere voluerit abbas illuc veniet si poterit vel mittet de suis probis hominibus in eisdem prefatis schiris et hoc per convenientem sum monitionem et sine causa Et si quis venerit qui rectum in hac eadem terra clamaverit unde rectum oporteat necessario domino Waltero de Bolebech facere dominus Walterus tenebit se cum abbate sicut cum suo homine et si ille poterit disrationare eandem terram ille idem tenebit eam de abbate Waltero et de subsequentibus abbatibus sine terra cambitione et sine repetitione pecunie quam dominus donet abbati huic vel sequacibus suis et abbas tenebit eam de Waltero de Bolebech et suis heredibus Et hoc pactum predictum concessit dominus Walterus de Bolebech et Heileunis uxor sua et Hugo filius suus abbati Waltero et subsequentibus abbatibus Et ad hoc pactum interfuit Albreda que fuit heres ejusdem terre et concessit eam sicut suam hereditatem abbati Waltero et sequacibus abbatibus cum donatione domini De ista concessione predicta quam istud breve dicit sunt hi testes videlicet Robertus de Hunfrancville et Eustachius filius Johannis et Walterus Espec et Simundus de Belcamp et Wauchelinus Mamot Isti sunt testes ex parte Walteri de Bolebech Et ex parte Walteri abbatis Radulfus filius Willelmi et Robertus filius suus et Robertus de Gray et multi alii tam de hominibus alterius humagii quam de tenura abbatie