Charter Document - 07920307
| Charter Number: | 07920307 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1134 - 1160 |
| Date type: | Assigned |
| Resource Link(s): |
Bodleian Library - MS. Rawl. B. 333 (f45v) |
Charter:
Notum sit universis sancte matris ecclesie quod ego Walterus abbas Ramesiensis ecclesie concessi et reddidi Berengario Monacho rectum suum quod habet in terra de Hemmingtone pro xl marcis argenti ita quod decem marcas debet reddere in presenti xxx vero que restant ad terminos quos ei constitui sub hac conditione quod si aliquis supervenerit qui rectum in predicta terra clamet et oportuerit me regis justitia seu alterius primatis coactum inde rectum tenere si predictus Berengarius terram illam judicio curie nostre amiserit decem marce mihi remaneant et quantum dederit de xxx marcis ei restituam computato censu quem interim de eadem terra recipiet His testibus Waltero priore Edmaro monacho Azuro monacho Enerwino God de Elingtone Ricardo le Guiz Roberto de Cuninctone Gaufrido filio Everardi