Charter Document - 07920306
| Charter Number: | 07920306 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1134 - 1154 |
| Date type: | Assigned |
| Resource Link(s): |
Bodleian Library - MS. Rawl. B. 333 (f45r) |
Charter:
Walterus Dei gratia abbas Ramesie totusque ejusdem loci conventus universis ejusdem abbatie fidelibus suis clericis et laicis Francis et Anglis salutem in Christo Sciatis quod concessimus huic Alfelino Faceto de Welles homini et confratri nostro servienti et fideli nostro ipsi et heredi suo terram illam de Hevemethe quam tenuit Siuuate Hod et quicquid ad illam terram pertinet et insuper omnem terram quam habemus inter Welles et Hevemethe que est nova pars contra episcopum Eliensem et priorem Sancti Pancratii participes nostros illius terre Hanc terram illi concessimus pro servitio suo jure hereditario possidendam reddendo nobis singulis annis viii solidos Ideo volumus primitus confirmavimus ut terras istas bene et in pace et sine omni diminutione ab ecclesia nostra de cetero possident Valete Testimonio Waltero priore Luca priore Randulfo celerario Godefrido celerario Radulfo refectorario Daniel infirmario Rodberto camerario Gaufrido Ricardo Michaele clericis Berengario Monacho Olivero Monacho Gocelino de Stivecle Henrico archidiacono Henrico de Wichentone Philippo de Riptone Godefrido et Riger nep[ote]