Charter Document - 07920282
| Charter Number: | 07920282 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1114 - 1130 |
| Date type: | Assigned |
| Resource Link(s): |
Bodleian Library - MS. Rawl. B. 333 (f43r) |
Charter:
Hec est conventio quam R dapifer et nepos R[adulfi] fratris Ilgeri fecit cum A[ilwino] abbate Ramesie et toto conventu ejusdem cenobii hoc est ut ipse et uxor ejus habeant fraternitatem in parte cum eis in omnibus suis spiritualibus officiis et quum ab hac vita discesserint corpora eorum in eodem loco sepeliantur et quantum possessionis ad utrumque eorum pertinebit cum ipsis funeribus eidem loco attribuatur Si antem nati eorum ipsis viventibus obierint in eodem loco terre commendentur et de possessione sua secundum honestatem et facultatem suam pro eis largiantur Necnon etiam abbas et totus conventus eidem R concesserunt Dilingtune in feudum cum Stowe eo scilicet pacto ut inveniat unum militem ad servitium regis et abbatis et totius conventus in Anglie et extra Angliam ex proprio paratu ita ut si quicquam perdiderit in itinere nihil ei abbas restauret Hujus ergo rei testes existunt Turbernus prior Algarus et reliqui monachi Rainoldus dapifer Anti[nus] de Hunt[edune] Hugo et Edwinus sororii abbatis Thuri presbyter Siwardus filius Toki