Charter Document - 07920279
| Charter Number: | 07920279 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1124 - 1130 |
| Date type: | Assigned |
| Resource Link(s): |
Bodleian Library - MS. Rawl. B. 333 (f42v) |
Charter:
Noverint omnes fideles sancte ecclesie quod Robertus Foliot et Paganus et Helyas fratres sui clamaverunt quietam Deo et sancto Benedicto et abbati Ramesie calumniam do divisis de Crancfeld et de Craule sicut homines de tribus dominiis qui ad hoc nominati fuerunt juraverunt eas quatuor videlicet de Crancfeld ex hominibus abbatis Edwinus Siwardus Leofwinus et Teodericus quatuor ex hominibus Walteri de Bolebech de Craule Aluricus Seman Godricus et Normannus quatuor ex hominibus Simonis de Bello Campo et Mahald matris ejus Johannes faber Godmerus Leofricus Seuui Notificatio vobis insuper utile duximus diratiocinium hujus terre et concordiam calumnie de istis divisis inter abbatem Ramesie predictumque Robertum Folioth et fratres ejus fieri jussione Henrici regis Anglie et jussione David regis Scotie qui caput est istius terre post regem Anglie et jussione episcopi Saresbirie qui justiciarius fuit totius Anglie et per concessum Willelmi de Hoctone de cujus feodo illa terra fuit Hujus rei testes hi sunt Hugo filius Ricardi Robertus de Broi Radulfus de Borohard Ebroinus Hugo Hairun Robertus filius Brien Hugo de Faldhou Ordricus Alanus Hugo filius Harlewini Robertus filius Aschetilli et alii Quicunque hanc rem violaverit et de terra sancti Benedicti de hac aut de alis quicquam minuerit ex auctoritate Dei Patris Omnipotentis et Filii et Spiritus Sancti et sancte Marie semper virginis et omnium electorum Dei excommunicetur et ab eorum consortio eternaliter segregetur Fiat Fiat Amen Amen