Charter Document - 07920271
| Charter Number: | 07920271 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1114 - 1130 |
| Date type: | Assigned |
| Resource Link(s): |
Bodleian Library - MS. Rawl. B. 333 (f42r) |
Charter:
Reinaldus abbas Ramesiensis ejusdemque loci fratrum conventus concesserunt in suo Ramesensi capitulo Roberto de Grettona sueque uxori Beatrici in hereditatem quandam virgata terre quam tunc temporis Emma habebat in villa de Grettona pro quinque solidis per singulos annos Ita tamen quod idem Robertus qui tunc temporis predictam villam habebat ad firmam quamdiu eam tenebit non dabit inde plus sive minus quam ipse dabat prius At ubi ipse eam sive vivens sive moriens dimiserit qui supradictam terre virgata habebit pro ea quinque solidos dabit in firma de Grettona per singulos annos Concesserunt etiam Reinaldus abbas fratrumque conventus Ramesiensium Beatrici uxori ejusdem Roberti preter hoc tres acras terre in eadem villa tam in curtilagio quam in campania ea conditione quod predicta mulier facere debeat super illam partem que est in curtilagio juxta domum ejusdem Roberti in occidentali parte domum talem in qua abbas Ramesiensis possit honeste hospitari quotiens ibi advenerit Pro ista vero conventione in principio dedit Roberto de Grettona Reinaldo abbati quinque marcas argenti Idem vero Robertus et conjux ejus dederunt se ad jacendum in cemiterio sancti Benedicti apud Ramesiam quando morientur suamque portionem de omni re que eis contingeret sancto dederunt Benedicto Hi sunt testes ex parte abbatis Ernoldus nepos abbatis Ascelinus miles Willelmus mercator Wibernus Robertus filius Morini Ex parte vero Roberti Reinaldus frater ejus Willelmus et Gilebertus filii ejus