Charter Document - 07920256
| Charter Number: | 07920256 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1115 - 1120 |
| Date type: | Assigned |
| Resource Link(s): |
Bodleian Library - MS. Rawl. B. 333 (f40v) |
Charter:
Hec est conventio inter ecclesiam Ramesie et ecclesiam sancte Trinitatis Londonie que facta est tempore Reinaldi abbatis Ramesie et prioris Normanni ecclesie sancte Trinitatis scilicet quod predictus abbas dimisit calumniam suam quam habuit super terram de Anglica Cnithanilda quam ipsi Anglici dederunt predicte ecclesie sancte Trinitatis et prefatus prior dimisit calumniam suam quam habuit super capellam abbatis et hortum qui est inter capellam et cameras suas Et hoc pacto ecclesia Ramesie tenebit de ecclesia Sancte Trinitatis Londonie illam terram que est ab aula abbatis usque ad vicum qui ducit ad capellam viii pedes minus et ab illo vico est sepes que dividit illam terram et hortum abbatis usque ad curiam abbatis et de ista terra reddet ecclesia Ramesie ecclesie Sancte Trinitatis Londonie quinque solidos et tres denarios et tenebit hereditario jure per hunc censum reddendum ad festum sancti Michaelis et si termino predicto census iste non redditur ecclesia Sancti Trinitatis mittat ad aliam ecclesiam unum de servientibus pro censu suo per custamentum alterius ecclesie et si infra quindecim dies post predictum terminum census non redditur super legem et judicium civitatis ponatur Et istud factum est per capitulum ecclesie de Ram[esia] et capitulum Sancte Trinitatis Londonie Hujus conventionis testes sunt Herveus Monachus et Edricus presbiter Levenoth alderman Andreas Bucuinte et alii