Charter Document - 07920250
| Charter Number: | 07920250 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1114 - 1119 |
| Date type: | Assigned |
| Resource Link(s): |
Bodleian Library - MS. Rawl. B. 333 (f40r) |
Charter:
In die translationis Sancti Benedicti abbatis Dreu de Hastinga reddidit Deo et Sancto Benedicto et Reinaldo abbati totique conventui Ramesiensi terram illam que dicitur Ludinthune solutam et quietam ab omni heredum calumnia quam habebat in feudo in capitulo coram his testibus ex ejus curia videlicet Mahalda uxore ejusdem et filio ejus Helia et multis militibus ejus et hominibus Ex parte vero domini abbatis et conventus huic conventioni aderant Ricardus abbas de Sancto Albano Robertus abbas de Thorneia Gilebertus vicecomes de Suthereia Reinaldus Monachus Herveius Monachus et multi alii Abbas vero Reinaldus et totus conventus concessit ei suisque parentibus tam vivis quam defunctis et uxori ejus ac filiis societatem beneficii et insuper decem marcas argenti et unam marcam uxori ejus et filio ejus Helie marcam unam Postea venit Leofwinus frater Colgrim de Grantham vii kal Augusti et dedit Deo sanctoque Benedicto et Reinaldo abbati terram supradictam quam tenebat sub Dreu ad censum videlicet Ludintune solutam et quietam ex parte ejus et ab omni heredum calumnia in aula ejusdem abbatis coram his testibus scilicet Radulfo filio ejus et Ailmaro homine ejus et Leofrico Lickedich Ex parte vero abbatis testibus his Radulfus de Felt Herveius Monachus Walterus Henricus Ebroinus Svein de Ofra Morinus miles Abbas vero supra memoratus dedit Leofwino xl solidos