Charter Document - 07920180
| Charter Number: | 07920180 |
|---|---|
| Cartulary Title: | Chronicon Abbatiae Ramesiensis |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1080 - 1087 |
| Date type: | Assigned |
| Resource Link(s): |
Bodleian Library - MS. Rawl. B. 333 (f36v) |
Charter:
Hanc conventionem fecit Eudo scilicet Dapifer Regis cum Ailsio abbate Ramesiense et ejusdem loci conventu in capitulo de Berefordia videlicet ut Eudo habere deberet ad opus sororis sue Murielle partem sancti Benedicti que adjacebat ecclesie Ramesiensi quamdiu Eudo et soror ejus viverent ad dimidium servitium unius militis tali quidem pacto ut post Eudonis sororisque sue decessum tam partem propriam Eudonis quam in eadem villa habuit quam partem ecclesie Ramesiensis Deo et sancto Benedicto ad usum fratrum eternaliter absque omni calumnia successorum Eudonis possidendam pro redemptione animarum eorum et parentum relinqueret et ipse met istud addidit ut quicunque hoc pactum irritum facere demoniis instinctu decerneret anathematis vinculo perpetualiter constringeretur et insuper hoc pactum fide data cum juramento in capitulo super quatuor Evangeliorum textum affirmavit et fraternitatem loco suscepit His testibus Ailsio abbate et Randulfo fratre Ilgeri Rogero vicecomite et Osberno sororio Eudonis et Walgero filio ejus Turkillo dapifero Ingelramno et Leofwino Wlfwino et Everardo