Charter Document - 07911019
| Charter Number: | 07911019 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1234 - 1247 |
| Date type: | Assigned |
| Resource Link(s): |
Reference Document for this Embedded Document |
Charter:
Willelmus de Kyngeston Canonicus Herefordensis eternam in Domino salutem Noverit universitas vestra me de unanimi assensu et consensu Domini Stephani Decani et Capituli Herefordensis dedisse et concessisse et hac presenti carta mea confirmasse Domino Ricardo de Warwe totam terram illam cum domibus et edificiis et omnibus pertinenciis suis in Herefordie que fuerunt Domini Willelmi de Sancto Johanne in qua ipse mansit habendam et tenendam sibi et heredibus suis vel cuicunque et quibuscunque et quandocunque eam dare vendere legare vel assignare voluerint exceptis viris religiosis et Judeis de me et successoribus meis in feodo et hereditate libere quiete et integre cum domibus et edificis et omnibus pertinentiis suis Reddendo inde annuatim mihi et successoribus meis ipse et heredes sui vel sui assignati octo solidos sterlingorum pro omni servicio exactione consuetudine et demanda In cujus rei testimonium presenti scripto Sigillum meum apposui Hiis testibus Domino Stephano Decano Herefordensi Domino Johanne Foliot Archidiacono Salopescire Domino Johanne Episcopo Dominis Stephano Banastre Nicholao Penetenciario Canonicis Herefordensibus Magistro Willelmo Platun Dominis Alexandro de Temedebury Roberto de Calva Willelmo de Eton Rectore Ecclesie Thurleston Capellanis et multis aliis