Charter Document - 07910056
| Charter Number: | 07910056 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1194 - 1307 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus Buter dedi et concessi et hac presenti Carta mea confirmavi Sibille et Agnete filiabus meis pro homagiis et serviciis suis unum curtilagium cum messuagio terre mee in villa de Brockpyon cum Hayciis [] dictum curtilagium attinentibus et cum aliis omnibus pertinenciis videlicet illud curtilagium cum messuagio quod jacet inter croftum meum quod vocatur Netecroft et terram Stephani Coci et extendit se cum hayciis predictis a predicto meo quod vocatur Powum Pratum usque ad viam ejusdem ville et ad curtilagium dicti Stephani Habend et tenenda de me et heredibus meis predictis Sibille et Agneti et eorum heredibus vel suis assignatis quibuscunque et quandocunque predictum curtilagium cum messuagio cum omnibus suis pertinenciis sicut predictum est dare vendere legare et assignare voluerit vel aliquo alio modo alienare et in feodo et hereditate libere et quiete bene et in pace tam in egritudine quam in sanitate sine omni contradictione mei vel heredum meorum in perpetuum Reddendo inde annuatim michi et heredibus meis ipse et heredes sui vel sui assignati unum obolum ad Festum Sancti Michaelis Ego vero Ricardus et heredes mei dictum curtilagium cum messuagiis cum omnibus suis pertinenciis sicut predictum est predictis Sibille et Agneti et heredibus suis vel suis assignatis contra omnes homines et feminas in perpetuum warantizabimus et de omnibus serviciis sectis curie et aliis sectis wardis releviis herietis auxiliis taylagiis et omnibus aliis rebus dictum messuagium tangentibus versus quoscunque per predictum redditum acquietabimus et defendemus Et si ita contingat quod altera predictarum sororum in fata decesserit vel aliquo viro desponsata fuerit alteraque solum remaneat totum predictum tenementum cum omnibus suis pertinenciis sicut predictum est sine omni contradictione integre remaneat Et quia volo quod hec mea donacio concessio rata et stabilis permaneat huic scripto Sigillum meum apposui Hiis testibus Willelmo Buter Willelmo de Wynton Henrico filio Henrici Clerici Johanne de Furches Henrico Buter Philippo de Winesel Clerici Henrico Juvene et aliis