Charter Document - 07910051
| Charter Number: | 07910051 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1288 |
| Date type: | Assigned |
| Resource Link(s): |
|
Charter:
Sciant presentes et futuri quod ego Adam Rudduc de la Wodeton de consensu Isolde uxoris mee dedi et concessi et hac presenti Carta mea confirmavi Decano et Capitulo Herefordensi quatuor acras terre mee et unum buttum quas terras predicta Isolde habuit de donacione et concessione Margerie matris ejus quarum una jacet super le Strode inter terram Johannis de la Mers et terram que fuit Richardi Choci et una que jacet in eodem forlongo et vocatur longa acra et jacet inter terram dicti Johannis et terram dicti Ricardi et una dimidia acra jacet inter terram dicti Johannis et terram dicti Ricardi et dimidia acra jacet in eodem forlongo inter terram dicti Johannis ex parte una et foveam de Hynecumbesmere ex altera et unum buttum qui jacet subter foveam de Byrches de Parva Pyonia in longitudine juxta dictam foveam Habendam et tenendam totam dictam terram cum pertinenciis dictis dictis Decano secundum quod liberius ego Adam et Isolda uxor mea ipsam habuimus ex concessione Margerie de parva Pyonia juris uxoris mee prout in Carta dicte Margerie plenius continetur Et ut hec mea donacio concessio et Carte presentis confirmacio rata et stabilis permaneat presenti scripto Sigillum meum apposui Hiis testibus Willelmo Buter Ada de Lauton Hugone de Lauton Henrico Clerico Waltero filio suo Ricardo Boter Stephano Coco Johanne de Merse Johanne Ketelburn et multis aliis