Charter Document - 07910047
| Charter Number: | 07910047 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1307 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus de Kyneford dedi concessi et hac presenti Carta mea confirmavi Johanne de la Were pro homagio et servicio et pro una marca argenti quam michi dedit per manibus unam acram terre mee in territorio de Pyonia jacentem in campo qui vocatur Bereye inter terram Stephani de Brockpeun et terram Ricardi de Addefone cujus unum caput extendit usque ad Regalem Viam ex opposito janue ejusdem Johannis tenendam et habendam de me et heredibus meis sibi et heredibus suis vel suis assignatis quibuscunque et quandocunque illam dare vendere legare vel assignare voluerit exceptis viris religiosis et Judeis in feodo et hereditate libere quiete integre bene et in pace Reddendo inde annuatim michi et heredibus meis ipse et heredes sui vel sui assignati unum denarium in Annunciatione Beate Marie et pro omni servicio ad tantam terram pertinente Ego vero Robertus et heredes mei predictam acram terre cum suis pertinenciis prefato Johanni et heredibus suis vel suis assignatis contra omnes homines et feminas in perpetuum warantizabimus defendemus et acquietabimus in cujus rei testimonium presenti scripto Sigillum meum apposui Hiis testibus Ada de Launton Willelmo de Wychintun Ricardo Buter Roberto Buter Stephane de Brocpeuner Kettelburn de Brocpeuner et multis aliis