Charter Document - 07910042
| Charter Number: | 07910042 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1220 - 1307 |
| Date type: | Assigned |
| Resource Link(s): |
|
Charter:
Sciant presentes et futuri quod ego Agnes filia Ricardi Buter de Pyonia in ligia potestate mea dedi et concessi Decano et Capitulo Herefordensi unum messuagium cum edificiis et omnibus aliis pertinenciis illud videlicet quod habui in Parva Pyonia ex donacione Ricardi Patris mei jacens inter croftum Ricardi Buter quod dicitur Netecroft et terram Stephani Chocr et extendit se usque ad viam dicte ville secundum quod est divisum et perambulatum habendum et tenendum sibi et suis successoribus et assignatis libere quiete bene et in pace Reddendo inde annuatim Capitulo domino unum obolum ad Festum Beati Michaelis pro omni servicio sectis tallagiis regalibus et aliis exactionibus secularibus et de mandis Ego dicta Agnes et heredes mei predictum messuagium cum omnibus suis pertinenciis predictis Decano et Capitulo contra omnes homines et feminas warantizabimus in perpetuum Pro hac autem donacione et quieta clamacione quam facio de predictis dedit michi Magister Willelmus de Haya Canonicus Herefordensis novem solidos argenti per manibus In cujus rei testimonium presens scriptum Sigilli mei impressione roboravi Hiis testibus Hugone Vicario de Pyonia Ada de Lauton Hugone de Lauton Thoma de Bulhove Henrico dicto Clerico Johanne de Ketelburn Willelmo de Wychintune Willelmo Buter et multis aliis