Charter Document - 07910031
| Charter Number: | 07910031 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1234 - 1239 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes filius Aluredi de Calurehulle dedi et concessi et hac presenti carta mea confirmavi Roberto de Tybrinton pro quadraginta sex solidis et duobus denariis argenti quos michi pacavit pro manibus duas acras terre mee et unum messuagium meum cum pertinenciis suis in Calurehulle unde dictum messuagium jacet inter terram predicti Roberti et messuagium Johannis Tant unde unum caput se extendit usque ad regalem viam et aliud caput se extendit usque ad terram Henrici de Calurehulle et due acre jacent inter terram Symonis de Nortone et semitam que ducit versus Heckel unde unum caput se extendit versus maritum Nicholai filii Edrick et aliud caput se extendit usque ad regalem viam habenda et tenenda de me et heredibus meis sibi et heredibus suis vel suis assignatis et eorum heredibus vel cuicunque seu quibuscunque et quandocunque voluerit totum predictum messuagium et totam predictam terram cum omnibus pertinentiis suis dare vendere legare vel assignare tam in firmitate quam in bona sanitate in feodo et hereditate libere et quiete et integre et honorifice bene et in bona pace in omnibus locis cum omnibus libertatibus et aysiamentis absque omni vexatione impedimento et calumpnia mei et heredum meorum in perpetuum Reddendo inde annuatim michi et heredibus meis ipse et heredes sui vel sui assignati et eorum heredes tres denarios argenti ad tres anni terminos videlicet ad Annunciationem Beate Marie Virginis unum denarium et ad Nativitatem Beati Johannis Baptiste unum denarium et ad Festum omnium Sanctorum unum denarium pro omnibus serviciis consuetudinibus exactionibus et de mandis que predicto messuagio et predicta terra exeunt vel aliquo modo exire potuerunt salvis michi et heredibus meis duodecim denariis pro herieto et releviis quotienscunque relevium aut herietum inde exire debeat de jure Ego vero predictus Johannes et heredes mei totum predictum messuagium et totam predictam terram cum omnibus pertinenciis suis sicut provisum est et perambulatum per metas et bundas prenominato Roberto et heredibus suis vel suis assignatis et eorum heredibus contra omnes homines et feminas in perpetuum warantizabimus et de omnibus sectis et serviciis et auxiliis tallagiis et de omnibus aliis rebus et serviciis et secularibus de mandis versus omnes gentes acquietabimus et defendemus pro predicto redditu et pro predictis duodecim denariis In cujus rei testimonium huic presenti scripto Sigillum meum apposui Hiis testibus Waltero le Graunt Philippo Heckel Roberto de Norton Davide de Norton Hugone de Heckel et multis aliis