Charter Document - 07910026
| Charter Number: | 07910026 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1234 - 1239 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo de Ekkeley filius Hugonis de Ekkeleye dedi et concessi et hac presenti carta mea confirmavi Decano et Capitulo Ecclesie Herefordensis ad operam unius Vicarii qui divina celebrabit pro anima Magistri Willelmi de Haya Canonici Herefordensis et pro animabus omnium fidelium defunctorum in eadem in perpetuum unam acram terre mee arabilis de sex seylionibus cum suis pertinenciis in territorio de Norton que jacet in campo qui vocatur Wlfputefeld inter terras Philippi de Ekkeleye ex una parte cui unum caput extendit super terram dicti Hugonis de Ekkeleye et aliud ad regalem viam que vocatur Wlfputtiwey habendam et tenendam de me et heredibus vel assignatis meis totam predictam acram de sex seylionibus cum suis pertinenciis omnibus predictis Decano et Capitulo et eorum assignatis libere et quiete bene et in pace in omnibus locis cum omnibus libertatibus Reddendo inde annuatim michi et heredibus meis vel assignatis meis predicti Decanus et Capitulum vel eorum assignati unum denarium in festo annunciationis Beate Marie pro omnibus serviciis consuetudinibus releviis herietis escaetis sectis curiarum wardis tallagiis et tam pro regali servicio quam forinseco pro omnibus exactionibus et de mandis que de terra exeunt exigi vel exire potuerunt Pro hac autem donacione concessione et carte mee confirmacione et quieta clamacione dedit michi Magister Willelmus de Haya Canonicus Herefordensis viginti solidos argenti pro manibus Ego vero predictus Hugo et heredes mei vel mei assignati predictis Decano et Capitulo et eorum assignatis totam predictam acram de sex seylionibus cum suis pertinenciis omnibus contra omnes homines et feminas tam Judeos quam Christianos in perpetuum warantizabimus defendemus et acquietabimus Ut hec autem mea donacio concessio quieta clamacio et carte mee confirmacio rata et stabilis in perpetuum permaneat hanc presentem cartam Sigilli mei impressione confirmavi Hiis testibus Domino Rogero tunc Vicario de Norton Davide de Sarnesfeld Waltero Fraunceys Willelmo de Sarnesfeld Petro de Fernhall Henrico Molendinario de Webbeley et Davide de Nortone Philippo de Ekkeleye Waltero le Graunt et aliis