Charter Document - 07910022
| Charter Number: | 07910022 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1234 - 1239 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo de Heckel dedi et concessi et hac presenti Carta confirmavi Hugoni Bissop de Webbely pro servicio suo et pro duabus marcis et dimidia argenti quas michi dedit pro manibus duas acras More cum pertinenciis suis et jacet in longitudinem juxta Moram que fuit quondam Ricardi de Bosco et Moram que fuit quondam Philippi de Heckel et Hugoni de Heckel et unum caput se extendit super Moram que fuit quondam Henrici de Frenham et aliud super Moram que fuit quondam dicti Ricardi de Bosco habendam et tenendam dictam Moram cum pertinenciis suis de me et heredibus meis vel meis assignatis sibi et heredibus suis vel suis assignatis vel cuicunque dictam Moram cum pertinenciis suis dare vendere invadiare vel legare voluerit in sanitate vel egritudine absque omni contradictione mei vel heredum meorum aut assignatorum meorum bene et in pace libere quiete et integre cum omnibus libertatibus que de terra exeunt vel exire potuerint Reddendo inde annuatim michi heredibus meis vel meis assignatis ipse et heredes sui vel sui assignati unum denarium in Festo Beati Michaelis pro omnibus secularibus serviciis consuetudinibus et de mandis et pro omnibus rebus que de terra exeunt vel in posterum exire potuerint Ego vero predictus Hugo et heredes mei vel mei assignati predicto Hugoni Bissop et heredibus suis et suis assignatis predictam Moram cum pertinenciis suis contra omnes homines et feminas warantizabimus defendemus et acquietabimus Et quia volo quod hec mea Donacio concessio et presentis carte mee confirmacio rata et stabilis in perpetuum maneat presenti scripto Sigillum meum apposui Hiis testibus Waltero de Sternefeld filio Philippi Davide Morewey Philippo de Heckel Johanne filio Alfredi Nicholao Chacheper de Webbeley et multis aliis