Charter Document - 07910014
| Charter Number: | 07910014 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1234 - 1247 |
| Date type: | Assigned |
| Resource Link(s): |
|
Charter:
Universis Christi fidelibus presens scriptum visuris et audituris Willelmus de Kyngeston Canonicus Herefordensis eternam in domino salutem Noverit universitas vestra me de unanimi assensu et consensu Domini Stephani Decani et Capituli Herefordensis dedisse et concessisse et hac presenti Carta mea confirmasse Domino Ricardo de Warwe Capellano totam terram illam cum domibus et edificiis et omnibus pertinenciis suis in Herefordie que fuerunt Domini Willelmi de Sancto Johanne et in qua ipse mansit habendam et tenendam sibi et heredibus suis vel cuicunque et quibuscunque et quandocunque eam dare vendere legare vel assignare voluerit exceptis viris religiosis et Judeis de me et successoribus meis in feodo et hereditate libere quiete et integre cum domibus et edificiis et omnibus pertinenciis suis Reddendo inde annuatim michi et successoribus meis ipse heredes sui vel sui assignati octo solidos sterlingorum pro omni servicio exactione consuetudine et demanda In cujus rei testimonium presenti scripto Sigillum meum apposui Hiis testibus Domino Stephano Decano Herefordensi Domino Johanne Foliot Archidiacono Salopscire Domino Johanne Episcopo Dominis Stephano Banastre Nicholao Penitenciarii Canonicis Herefordensibus Magistro Willelmo Platun Dominis Alexandro de Temedebury Roberto de Calva Willelmo de Eton Rectore Ecclesie de Chartleftone Capellanis et multis aliis