Charter Document - 07910011
| Charter Number: | 07910011 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1219 - 1276 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes Clericus filius Tyrrper dedi et concessi et hac presenti carta mea confirmavi Ricardo de Warewe Capellano unam partem terre mee in vico Castelli que jacet intra terram Rogeri Saym ex una parte et terram meam ex altera cujus unum caput tendit versus vicum in fronte et aliud caput versus terram Magistri Willelmi Platun in fine et tenet in latitudine duodecim ulnas et unum quarterium cum pollicibus habendam et tenendam de me et heredibus meis vel meis assignatis sibi heredibus suis vel suis assignatis quibuscunque in feodo et hereditate libere quiete et integre reddendo inde annuatim michi et heredibus meis ipse et heredes sui vel sui assignati quicunque duos denarios ad duos terminos anni scilicet ad Annunciationem Beate Marie unum denarium et ad festum Sancti Michaelis unum denarium pro omni servicio exaccione et consuetudine et demanda pro hac autem donacione et concessione dedit michi dictus Ricardus pro manibus decem solidos sterlingorum Ego vero Johannes et heredes mei vel mei assignati predictam terram cum suis pertinentiis dicto Ricardo et heredibus suis vel suis assignatis quibuscunque contra omnes homines et feminas in perpetuum warantizabimus et de omnibus rebus secularibus versus quoscunque pro predicto redditu defendemus et acquietabimus In cujus rei testimonium presenti scripto Sigillum meum apposui Hiis testibus Magistro Willelmo Platone Domino Willelmo de Sancto Johanne Alexandro Capellano Beate Marie de Sancto Nicholao Nicholao de Haya Johanne Bened Stephano Nancio Elya Trefor et multis aliis