Charter Document - 07910009
| Charter Number: | 07910009 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1276 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quod ego Robertus de Trillec dedi et concessi et hac presenti carta mea confirmavi Decano et Capitulo Herefordensi quatuor solidatos annui redditus in Herefordie quos solebam recipere de Dionysia Lamsapastre de tenemento et domibus que de me tenuit in vico de Castro et quod emi de Domino Rogero Tyref Milite juxta curtilagium quondam Ricardi de Warewa et que domus se extendunt in longitudinem cum placia sua juxta gardinum meum habendum et tenendum totum redditum predictum cum omnibus hiis pertinentiis de me et heredibus meis predictis Decanis et Capitulo vel assignatis suis vel cuicunque et quandocunque predictum redditum dare legare vendere vel assignare voluerint in feodo et hereditate libere et quiete bene et integre sine aliquo impedimento mei vel heredum meorum reddendo inde annuatim michi et heredibus meis dicti Decanus et Capitulum vel assignati sui unam Rosam ad nativitatem Beati Johannis Baptiste pro omnibus serviciis secularibus exactionibus consuetudinibus sectis curie releviis herietis wardis et omnibus aliis rebus ad predictum redditum pertinentibus Pro hac autem donacione et carte mee confirmacione dedit michi Magister Willelmus de Haya Canonicus Herefordensis tres marcas et dimidia sterlingorum pro manibus Ego vero predictus Robertus et heredes mei dictis Decano et Capitulo vel suis assignatis totum predictum redditum cum omnibus suis pertinentiis contra omnes homines et feminas in perpetuum warantizabimus et pro predicto reddito defendemus In cujus rei testimonium huic presenti scripto Sigillum meum apposui Hiis testibus Johanne le Werror Johanne Lactefot tunc Ballivos Capituli Johanne Wyntor Roberto le Barbor Magistro Johanne de Brunslope Magistro Thome de Sancto Egidio tunc Rectore Sancti Cadwen Wymondo de Wosebury Johanne de Machine Capellanis Johanne de Wrecoma et aliis Datum Herefordie die Sabbati proxima post Annuncionem Beate Marie Anno Domini MCCLXX septuagesimo sexto
Source (click image below to view full size)
