Charter Document - 07910002
| Charter Number: | 07910002 |
|---|---|
| Cartulary Title: | The History and Antiquities of the City and Cathedral Church of Hereford |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1271 - 1277 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus de Trillec concessi quietam clamam et hac presenti carta mea confirmavi Decano et Capitulo Herefordensis ad sustentacionem unius Capellani qui divina celebrabit pro anima Magistri Willelmi de Haya Canonici Herefordensi et animabus omnium fidelium defunctorum in Ecclesia Herefordensi in perpetuum quandam placiam terre mee que fuit quondam Magistri Willelmi Platon per metas et divisas [] mensuratas per eundem Robertum que extendit se ex una parte a domibus que fuerint quondam Ricardus de Labarewe Capellanus usque gardinum Johannis de Haya et Dionycie uxoris sue et continet in longitudinem quatuordecim ulnas et extendunt se ex alia parte a gardino meo proprio usque gardinum dicti Magistri Willelmi de Haya et continet in latitudinem duodecim ulnas cum dimidio quartario habendam et tenendam de heredibus meis predictis Decano et Capitulo et suis assignatis in feodo et hereditate libere quiete et pacifice ab omni servitio seculari et de secta Cur Ward Heriettis releviis et omnibus aliis [] que de terra exeunt exigi vel exigere potuerunt sine contradictione mei vel heredum meorum in posterum pro hac autem donacione concessioneque cum clamacione et presentis carte mee estimatione dedit michi Magister Willelmus de Haya Canonicus Herefordensis nomine dictorum Decani et Capituli viginti solidos pro manibus Ego vero Robertus et heredes mei dictam placiam terram cum pertinentiis dictis Decano et Capitulo et eorum assignatis contra omnes homines et feminas tam Judeos quam Christianos warantizabimus et defendemus in perpetuum Et ut hec mea donacio concessio quieta clamacio et presentis carte confirmatio rata et stabilis permaneat in perpetuum hanc presentem cartam meam sigilli mei impressione corroboravi Hiis testibus Dominis Rogero de Childeston Luciano et Johanne Raci Capellanis Johanne de Laberewe tunc Ballivos Capituli Johanne Wyncer Stephano Wyncer Petro Lawless Roberto le Barbor Johanne Marcel Waltero le Tynebere Johanne de Haya Adamo de Barewe Clerico et aliis
Source (click image below to view full size)
